1.2. Presentación do reto

Definición:: Deporte de raqueta onde se enfrontan dous xogadores/as (individuais) ou dúas parellas (dobres) situadas en metades opostas e separados por unha rede. As persoas participantes deberán golpear un volante ou pluma coa raqueta para envialo á pista dos opoñentes.
Exemplo:: O meu deporte favorito é o bádminton.

Pickleball

Definición:: Deporte de pala onde se enfrontan dous xogadores (individuais) ou dúas parellas (dobres) situadas en metades opostas e separados por unha rede. As persoas participantes deberán golpear unha pelota coa pala para enviala á pista dos opoñentes.
Exemplo:: En Educación Física xogamos ao pickleball.

Polos Creativos

Definición:: Programa da Consellería de Educación que busca mellorar as competencias dixitais empregando medios tecnolóxicos nos procesos de ensinanza-aprendizaxe.
Exemplo:: Empregamos a videocámara de Polos Creativos para gravar o videotitorial.

O voso reto

Ocultar

Lectura facilitada
Audio
Pechar

Bádminton e Pickleball, os dous deportes que se practicarán

Todos sabedes que, de vez en cando, visitades webs en Internet para a visualización de vídeos. Pero, cada vez que visitades web en Internet, atopades contidos apropiados ou educativos nesas buscas?

Tendo en conta isto, o reto que se vos propón é o de crear videotitoriais educativos que axuden a aprender como se practican dous deportes individuais, o bádminton e o pickleball.

Antes de gravar eses vídeos, coñeceredes os aspectos técnicos e tácticos destes dous deportes, o que vos axudará a preparar os vosos videotitoriais.

Para iso, servirédesvos do material audiovisual de Polos Creativos.

Que vos parece? Conseguirédelo?