Saltar navegación

8. Máis regras

Lanzamento
Carmen García e Xiana Guerra. Lanzamento en suspensión (CC BY-NC-SA)

Existen máis normas e accións que é necesario que coñezas para xogar a Balonmán.

Deste xeito, o xogo será:

  • fluído, sen interrupcións constantes;
  • entretido, desfrutando de cada xogada;
  • sen discusións, polo coñecemento e respecto das normas;
  • educativo, practicando habilidades adquiridas noutros deportes ás peculiaridades do Balonmán.

Para coñecer en que consiste cada acción e norma, le o que aparece de seguido.

Imos aló!

TIPOS DE BOTE

Permiten avanzar co balón sen incumprir a norma dos pasos. Os máis utilizados son:

  • Bote alto: Utilízase para avanzar polo campo sen un/ha rival próximo/a.
  • Bote baixo: Emprégase cando os/as defensas están moi cerca ou están intentando quitarme o balón.
  • Bote vertical: Utilízase cando non hai presión defensiva sobre nós, ou cando estamos parados/as.
  • Bote oblícuo: Utilízase cando queremos avanzar rapidamente co balón.

Tipos de bote
TIPOS DE PASES

Os pases son maneira máis rápida de mover o balón. Entre os tipos de pases máis empregados están:

  • Pase frontal ou armado: faise subindo o brazo por enriba do ombreiro, dobrando o cóbado a 90º.
  • Pase intermedio: realízase a altura do ombreiro e da cadeira.
  • Pase baixo: realízase por debaixo da cadeira.
  • Pase picado: faise dando un pase cun bote no medio antes da recepción.
  • Pase de costas: realízase por detrás das costas.

Tipos de pases.
TIPOS DE LANZAMENTOS

O obxectivo do tiro ou lanzamento é marcar gol. Os dous lanzamentos máis utilizados son:

  • Lanzamento en apoio: realízase cun apoio no chan. O movemento é parecido ao pase armado.
  • Lanzamento en suspensión: realízase dende o aire despois dun salto.

Tipos de lanzamentos.
CICLO DE PASOS Consiste en que, como máximo, un/ha xogador/a pode dar 3 pasos + bote(s) + 3 pasos, despois debe lanzar ou pasar o balón nun máximo de 3 segundos. Ciclo de pasos.
XOGO PASIVO

O/A árbitro/a pode pitar xogo pasivo a un equipo, cando considera que o equipo non ten mentalidade ofensiva, só busca manter a posesión do balón, perder tempo e retrasar demasiado o tiro a portería.

Sanciónase con perda de balón.

Xogo pasivo.
DOBRES É unha falta que comete un/ha xogador/a cando corre botando o balón, párase, colle o balón e a continuación volve a botar o balón.  Dobres.

Feito con eXeLearning (Nova xanela)