1. Definición de Balonmán
Sen autoría. Harpastum. Mosaico (CC BY-NC-SA)
- O Balonmán, é un deporte de equipo, de cancha común e de participación simultánea.
- Ten a súa orixe na antiga Grecia e no Imperio Romano.
- Gravados na muralla de Atenas ou Mosaicos na Vila Romana de Casale, mostran que xa xogaban cunha pelota e coas mans.
- Tamén na literatura clásica, A Odisea fai referencia a xogos similares.
- Para xogar empregamos un balón esférico, de coiro ou de material sintético, con 3 tamaños diferentes en función da categoría.
- O espazo de xogo é rectangular, unha pista de 40 × 20 metros.
- O obxectivo do xogo é marcar máis goles que o equipo contrario, desprazando o balón coas mans, para intentar introducilo dentro da portería contraria.
- Nun partido de Balonmán xogan dous equipos con 7 xogadores ou xogadoras: 6 en campo e 1 Porteiro/a.
- O Balonmán réxese por TRES principios tácticos comúns:
- Principio de progresión: avanzar cara ao campo contrario.
- Ocupación do espazo: crear espazos libres.
- Desmarque: separación dun/ha defensor/a, para ocupar unha boa posición.
- As cualidades máis destacadas para xogar a este deporte son lanzar, pasar e recepcionar.