5. Modo de xogo | DEPORTES NA ESCOLA: BALONMÁN

Carmen García e Xiana Guerra. *Xogando a Balonmán* (CC BY-NC-SA). Gif extraído da canle de youtube Handball World. France Vs Denmark Semi-final Handball Women's World Championship Spain 2021 (CC BY)

DURACIÓN	CATEGORÍA ABSOLUTA: Dous tempos de 30 minutos, con 10 minutos de descanso.
	CATEGORÍAS INFERIORES: Dous tempos de 25/20 minutos, con 10 minutos de descanso.
	MINIBALONMÁN: Dous tempos de 15/10 minutos, con 10 minutos de descanso.
COMEZO DO PARTIDO	Cun sorteo: Entre os/as capitáns/ás e en presenza da/o árbitra/o. Para escoller os lados da cancha e que equipo comeza sacando. O xogo comeza dende o centro do campo.
	Distribución das/os xogadoras/es nas súas posicións.
	Os/as xogadores/as en posesión do balón, a través de pases coa man, tratarán de introducir o balón na portería contraria mediante lanzamentos. Porén os/as xogadores/as rivais (sen posesión do balón) intentan recuperar o control da pelota interceptando os pases ou bloqueando os disparos con brazos e mans.
GOL	Considérase GOL, cando toda a pelota cruza a liña de gol, e o equipo que anota non comete ningunha infracción no intento de marcar. Estas infraccións son chamadas "erros de ataque".
GOL	Cada Gol, suma un Punto no marcador.
INFRACCIÓNS DE GOL	Saltar a área da portería, pero non soltar a pelota antes de que os pés ou calquera outra parte do corpo toque a área da portería.
	Tocar a liña da área da portería.
	Entrar na área de portería sen o balón.
	Tempo morto dun/ha adestrador/a, antes de que o balón estea na portería.