Este é un traballo en equipo do grupo-clase.

O obxectivo é organizar un torneo por equipos de Kin-Ball®.

Estes son os pasos a seguir para facer o proxecto:

• Facer equipos mixtos de mínimo 4 e máximo 8 xogadoras e xogadores.
• Cada equipo ten que escoller unha capitá ou un capitán.
• Poñer un nome ao equipo.
• As capitás e os capitáns dos equipos que non están xogando, serán observadoras/es.
• Cada equipo ten que xogar contra todos os outros equipos na clase.
• Xógase ao mellor de 5 partidas. O equipo que gañe 3 partidas, será o gañador.
• Cada partida rematará cando un equipo chegue a 11 puntos.
• As/os capitás/áns teñen que apuntar o resultado final de cada partido e aquelas incidencias que lles parezan relevantes.
• O respecto ao regulamento do xogo (ver o póster co resumo das regras) é obrigatorio.
• Calquera dúbida durante os partidos, será consultada ás/aos observadoras/es ou ben ao/á profesor/a.

Boa sorte e a xogar!