En Kin-Ball®, os EQUIPOS son mixtos.
- Haberá 4 xogadoras/es por equipo ao comezo de cada partida.
- Pode haber ata un máximo de 12 xogadoras/es inscritas/os en cada equipo.
- Durante o xogo ten que haber sempre no terreo de xogo dous xogadores e dúas xogadoras, podendo ser substituídas por persoas do mesmo sexo.
- Todas as persoas do mesmo equipo levarán a mesma cor de peto.
Para xogar ao Kin-Ball® precisamos o seguinte MATERIAL:
- 1 pelota xigante. As pelotas oficiais de Kin-Ball® son de entre 1,20 e 1,25 metros de diámetro cun peso de 1 quilogramo.
- Petos das tres cores oficiais: Azul/Rosa, Gris e Negra.
- Un marcador visible a todos/as os/as participantes e espectadores/as.
- Un inchador.
- Un chifre, que designe o inicio e final de cada período e xogos.
- Un cronómetro.
- Un dado de seis caras coas cores oficiais.
- Bancos para as/os xogadoras/es suplentes.