1. Definición de Kin-Ball®

• O Kin-Ball®, é un deporte de equipo, onde xogan 3 equipos simultaneamente no mesmo campo.
• Foi creado por Mario Demers, profesor de Educación Física en Canadá, no ano 1986.
• Para xogar empregamos unha pelota xigante de entre 1,20 e 1,25 metros de diámetro cun peso de 1 quilogramo.
• O espazo de xogo é cadrado.
  • Pista de 20 x 20 metros.
  • As liñas que limitan a área de xogo deben ser todas da mesma cor, continuas e de mínimo 5 cm de ancho.
• O obxectivo do xogo é, que o equipo cuxa cor é nomeada controle a pelota con calquera parte do seu corpo antes de que esta toque o chan.
• Nun partido de Kin-Ball® xogan tres equipos mixtos. Cada equipo ten na cancha 4 xogadores e xogadoras e ata un máximo de 12 inscritas/os.
• Cada equipo leva petos de cor AZUL/ROSA, GRIS e NEGRA.
• As cualidades máis destacadas para xogar a este deporte son a concentración, a toma de decisións, golpear e atrapar.
  
• Os valores que se potencian no Kin-Ball® son:
  
  • Coeducación: xa que os equipos son mixtos.
  • Cooperación: precísase a participación das persoas do equipo para conseguir o obxectivo.
  • Superación: dun xeito lúdico, cada persoa dá o mellor de si.
  • Esforzo: para tratar de gañar ao equipo contrario.
  • Motivación: por obter un bo resultado, traballando en equipo.