Este é un traballo en equipo do grupo-clase.

O obxectivo é organizar un torneo por equipos de Rounders.

Estes son os pasos a seguir para facer o proxecto:

• Facer equipos mixtos de mínimo 6 e máximo 9 xogadoras e xogadores.

• Cada equipo ten que escoller unha capitá ou un capitán.

• Poñer un nome ao equipo.

• As capitás e os capitáns dos equipos que non están xogando, serán observadoras/es.

• Cada equipo ten que xogar contra todos os outros equipos na clase.

• O partido rematará cando cada equipo teña sido equipo bateador e de campo en dúas ocasións alternativamente, é dicir, 4 entradas.

• Gañará o equipo que máis puntos acadara ao final das 4 entradas.

• As/os capitás/áns teñen que apuntar o resultado final de cada partido e aquelas incidencias que lles parezan relevantes.

• O respecto ao regulamento do xogo é obrigatorio.

• Calquera dúbida durante os partidos, será consultada ás/aos observadoras/es ou ben ao/á profesor/a.

Boa sorte e a xogar!