A lanzadora pertence ao equipo de campo.
A súa función é lanzar a pelota cara á bateadora.
NON pode saír da súa área de lanzamento.
Unha vez bateada a pelota, a lanzadora:
-
Pode coller a pelota sen saír da súa área.
-
Se a colle no aire, a bateadora é eliminada.
-
Se a colle despois de que toque o chan, todas as corredoras teñen que parar e ir á seguinte base.
-
-
Ten que estar atenta ao xogo, xa que pode recibir a pelota dunha compañeira. Se isto sucede, todas as corredoras teñen que parar e ir á seguinte base.
Hai algúns aspectos a ter en consideración para que o lanzamento se execute correctamente.
-
A pelota NON pode ser lanzada demasiado rápido ou con moita potencia.
-
A pelota ten que ser lanzada por riba dos xeonllos e por debaixo da cabeza da bateadora.
-
A pelota NON pode botar ou tocar o chan antes de ser bateada.
-
A pelota NON pode ir dirixida directamente cara ao corpo da bateadora.
-
En todo momento a lanzadora ten que estar dentro da súa área, sen tocar ningunha liña.
-
Hai 3 oportunidades para facer un bo lanzamento. En caso contrario, o equipo bateador gaña ½ rounder.
Se a bateadora solicita un cambio de lanzadora, o cambio ten que producirse e a lanzadora pasaría a ser unha xogadora máis de campo.
No seguinte vídeo están algunhas das accións mencionadas neste punto.
Olládeo con atención!