MAL RAIO TE PARTA

Significado: Úsase para expresar enfado ou desprezo por alguén.

Exemplo: Mal raio te parta! Como fuches quen de facer algo tan desprezable?

BOTAR RAIOS E CENTELLAS 

Significado: Estar moi enfadado e indignado e manifestalo verbalmente

Exemplo; Tan  mal lle pareceu o que dixo que saíu pola porta da súa casa botando raios e centellas. 

ARMARSE O TRONO 

Significado: Prepararse unha tormenta. Figuradamente, producirse unha situación violenta. 

Exemplo: Xa se vían os relampos ao lonxe, estaba a armarse o trono. 

                 Levaban moito tempo enfadados e ameazándose , e cando se atoparon na rúa cara a cara armouse o trono. 

CAER COMA UN TRONO:

Significado: Producir malestar ou indignación. 

Exemplo: As declaracións que fixo o ministro na televisión sobre a subida de impostos caeron coma un trono entre os traballadores.