Precoñecemento

As capacidades físicas básicas son a resistencia, a velocidade, a forza e a flexibilidade. Son as capacidades básicas internas de calquera persoa para realizar calquera actividade física ou deportiva, e que melloran no seu entrenamento coa práctica de exercicios e movementos específicos.

siluetas gregas dun atleta praticando deporte da carreira, loita, natación e ximnasia

MatthiasKabel "relevo grego do pentatlón 500 aC.jpg" en wikimedia.org CC BY-SA 3.0

As primeiras actividades relacionadas coa ximnasia proceden da China cun tipo de exercicio similar ao Kung-fu e de Exipto con actividades ximnásticas con fins recreativos(cara ao ano 2600 a.C). En todas as culturas posteriores(helénica, romana, medieval, renacentista e moderna) a ximnasia foi unha actividade considerada, pero non será ata o século XVIII onde realmente comeza a desenvolverse como deporte e método para un desenvolvemento integral da persoa.

Imaxes visibles en https://commons.wikimedia.org/wiki/Category:Gymnastics . Licenza de Dominio Público.

Obxectivos

Ao rematar estarás en condicións de definir a capaciadade da flexibilidade e de clasificala, de distinguir a movilidade articular da elasticidade muscular e de coñecer os métodos para mellorala. E todo isto podendo exercitala coa finalidade de:

Prepararse para a actividade muscular.
Coñecer mellor o noso propio corpo tomando conciencia del.
Aumentar a elasticidade e flexibilidade de ligamentos e articulares, mellorando e aumentando a extensión dos seus movementos.
Potenciar a circulación sanguínea e a osixenación dos músculos por medio dos estiramentos.
Mellorar a coordinación con máis control e equilibrio.
Preveñen lesións musculares e dos tendóns.
Reducir a tensión muscular e acadar unha agradable sensación de relaxación.

Fotografías dunha alumna exercitando a flexibilidade nunha sesión de Educación Física .Licenza Creative Commons Recoñecemento Compartir igual 4.0