A estas alturas do curso, xa temos moi claro que antes de comezar a cantar temos que quentar a nosa voz. Lembrade que os exercicios facémolos de pé e en círculo para vernos uns os outros.

Comezamos con exercicios de relaxación e respiración! (están na Unidade 2).  Lembrade que todos estes exercicios teñen que axudarnos a comprender que a voz é impulsada cara arriba pola columna de aire, como unha pluma levada polo vento.

Despois pasamos aos exercicios de articulación e vocalización (se necesitades repasar ide á Unidade 3). 

Imos centrarnos nas vogais e na colocación da boca na súa pronunciación: vogais que provocan tensión horizontal (a, e, i) e vertical (o, u). A posición da boca cambia para poder pronuncialas correctamente. Fíxate nos debuxos. 

                         

Unha vez feitos, xa podemos comezar a cantar!