As características ou aspectos que se poden analizar no estudo estadístico, como a altura, o color favorito, ou no noso caso o uso de enerxías renovables, son as chamadas variables estadísticas. 

As variables estadísticas son as características ou propiedades do obxecto do estudo, e poden ser:

• Cuantitativas, se poden ser expresadas con números: idade, peso, talla,...
  • Discreta, cando pode só tomar valores illados. Por exemplo o número de fillos nunha familia (1, 2, 3, 4...) ou o número de animais nuhna granxa. 
  • Contínua, cando pode tomar todos os valores dentro dun intervalo. Por exemplo a tensión arterial ou o tempo no que un atleta corre os 100 metros.
• Cualitativas, cando non poden ser expresadas con números: color de ollos, país de nacemento...