a) Canto calculas que tardaría, como mínimo, unha gota de auga que está nun río en volver a el pasando por un glaciar?
Unha gota de auga dun río tardaría, como mínimo, algo máis de mil anos en volver a el, pasando por un glaciar.
b) E unha gota que está nun ser vivo en chegar a outro tras pasar por un río?
Unha gota que está nun ser vivo tardaría, como mínimo, 30 días en chegar a outro tras pasar por un río.
c) Na historia da Terra, cres que unha gota de auga puido pasar varias veces por un reservorio e formar parte de diversos organismos? Por que?
Si, unha gota de auga non só puido pasar varias veces por un reservorio, senón que con toda seguridade o fixo. Así mesmo, é moi probable que calquera gota de auga pasase por diversos organismos ao longo do tempo, xa que a Terra ten 4600 millóns de anos de antigüidade, tempo suficiente para que cada gota de auga puidese completar millóns de ciclos.

Unha gota de auga que está no noso corpo pode chegar ao mar seguindo diversos camiños. Por exemplo, pode saír do corpo coa suor, evaporarse e precipitarse en forma de chuvia, caendo directamente ao mar ou a un río que a leve ao mar. Tamén pode saír do corpo coa urina e pasar ás augas residuais, que tras a súa depuración a levarán ao río que se dirixe ao mar.