Elaboración do informe.

Tes que redactar un informe onde se mostren os resultados que obtiveches coa túa investigación.

O informe ten que conter polo menos os seguintes apartados:

• Portada que incluirá:
  • Título do traballo.
  • O teu nome (Se fixeches o traballo en grupo os nomes de todos os/as integrantes)
  • O nome da persona que che encargou ou dirixiu o traballo.
  • O nome do centro.
  • Data de entrega.
  • Se queres podes incluír unha imaxe ou gráfico sinxelo que garde relación co contido.
• Índice ou táboa de contidos.
• Resumo: Non debería exceder de 10 liñas e nel incluirás unha pequena descrición do teu proxecto dicindo:
  • O obxectivo da investigación.
  • O método que empregaches. 
  • As conclusións máis relevantes.
• Introdución: redactarás un texto de xeito que calquera que lea o informe entenda e aprecie o alcance da túa investigación.
  
• Metodoloxía: neste apartado tes que describir como realizaches a túa investigación. Deberá ser detallada de xeito que calquera outra persoa que lea este apartado, se quere, poida realizar este mesmo traballo como ti o fixeches. Incluirás:
  • Obxectivo da investigación.
  • Método seguido: podería ser un método experimental ou unha enquisa (neste caso fixeches unha enquisa).
  • Descrición da túa poboación: tamaño da poboación, número de homes e mulleres, idades e calquera outra información que consideres relevante.
  • Intrumentos utilizados: descrición dos formularios e ferramentas informáticas utilizadas.
  • Procedementos: explica como fixeches para pasar os cuestionarios, se atopaches algún problema menciónao e di como o resolviches.
• Análise de resultados: neste apartado, antes de poñer os resultados que obtiveches, o que tes que explicar son as técnicas que utilizaches para obtelos.
  • Resultados:  é neste apartado onde tes que expor os resultados que obtiveches, presenta as táboas e gráficos e fai un breve comentario da información que achegan.
• Conclusións: aquí resumirás as conclusións ás que chegaches, escribirás a resposta á pregunta que te fixeches cando comenzaches o traballo, neste caso, Como é o alumno/a típico/a da miña clase?
• Extensións e posibles melloras: Neste apartado podes incluír propostas para mellorar ou ampliar o traballo que elaboraches.

Se queres, ademais podes poñer un apartado de anexos onde exporás toda a información que, aínda que non é imprescindible para entender o teu traballo, achega información sobre o que fixeches (cuestionarios, fotografías, copias da folla de cálculo...)