Charla-coloquio: "Modelos de parella"

Ocultar

A charla-coloquio "Moral e sexo. Modelos de relacións de parella" de Luís G. Soto, profesor de Filosofía Moral e Política da Facultade de Filosofía da Universidade de Santiago de Compostela, celebrada no salón de actos o día 21 de xaneiro de 2016 diante de tres grupos de primeiro de bacharelato, tivo catro obxectivos:

Desvelar as relacións entre sexualidade e moralidade.
Presentar os modelos de relacións de parella que se deron na historia e a reflexión filosófica realizada sobre eles.
Fornecer de conceptos e argumentos para desconstruír os esquemas de dominación dentro da parella.
Invitar á reflexión persoal sobre o modelo de parella óptimo e preferible entre pares.

Tras a charla-coloquio e a partir da lectura do capítulo 18 “El amor” do libro Pequeño tratado de las grandes virtudes, Paidós, Barcelona, 2009, do filósofo André Comte-Sponville, un grupo de catro alumnos de primeiro de bacharelato suxeriu a elaboración dun cuestionario que abordase as relacións de parella desde un punto de vista orixinal. O cuestionario ten tres partes: reflexión filosófica sobre o amor, coñecemento da túa parella, autocoñecemento.

Os obxectivos do cuestionario son dous.

Espertar a reflexión persoal sobre o amor a partir de breves pensamentos filosóficos.
Tomar consciencia da posición dun/dunha mesmo/a dentro e fóra da parella.

Este cuestionario foi cuberto on-line. Os resultados presentáronse nas aulas de primeiro de Bacharelato para o seu comentario posterior.