Un mundo por proteger

Este é o REA (Recurso Educativo Aberto) número 5 -dun total de 6- elaborado no marco do proxecto cREAgal para a materia de Lingua Castelá e Literatura de 1º de Educación Secundaria Obrigatoria.

Na situación de aprendizaxe proposta o alumnado adquirirá os coñecementos, destrezas e habilidades necesarias para elaborar un texto descritivo. O obxectivo é estimular a imaxinación e elaborar distintos tipos de textos descritivos, tanto en función do punto de vista, como en función da temática.

O reto proposto consiste na creación dun estand con textos descritivos no que se mesturen elementos reais e imaxinarios que contribúan á concienciación da xuventude acerca da singularidade, fermosura e importancia vital do noso entorno natural. Seguindo as fases do método de proxectos,  aprenderase a valorar a fiabilidade das fontes de información, buscarase unha solución creativa, executaranse os seus deseños e avaliaranse os resultados.