Proxecto BauGal_LINGUA_ODE 5_ Menos é máis

"Menos é máis" propón unha aproximación crítica e creativa ao mundo da publicidade. Partindo da análise de anuncios reais e da observación do uso social da linguaxe, o alumnado descubrirá como os discursos publicitarios inflúen nas nosas emocións, valores e formas de pensar. A través de actividades motivadoras —como a análise de carteis, xogos léxicos ou a creación de campañas propias— traballarase a linguaxe persuasiva, o poder das imaxes e a función dos neoloxismos na sociedade actual.

Ao longo de cinco sesións, o alumnado aprenderá a recoñecer as técnicas retóricas da publicidade, distinguir entre tipos de mensaxes, comprender a evolución do léxico moderno e crear mensaxes conscientes e sostibles. O traballo culminará cunha mostra pública dos seus produtos, favorecendo a expresión oral, a reflexión crítica e o compromiso social. 

*Este ODE pode traballarse de xeito interdisciplinar co creado co mesmo nome para a materia de Tecnoloxía.