Física e Química 2ºESO: OD11. Os non metais
Conxunto de 25 ODs de Física e Química de 2º ESO relacionados con contidos de matemáticas e bioloxía do mesmo curso, con actividades en galego e inglés e sobre mulleres científicas.
OD11. Os non metais
Obxectivos
- Distinguir os diferentes grupos de non metais
- Entender as propiedades dos non metais
- Coñecer os metais con maior importancia biolóxica
- Entender os números poligonais
- Valorar o traballo da química Rosalind Franklin
Breve resumo
Como xa falamos dos metais, agora lle toca o turno os non metais, que compoñen unha porcentaxe máis pequena dos elementos da táboa periódica. Nembargantes, moitos deles son cruciais para os organismos vivos. Tamén introducimos o estudio dos números poligonais e queremos reivindicar a figura maltratada no seu contorno científico da química Rosalind Franklin, autora dun estudio que revelou a estrutura do ADN e polo que non recibiu o recoñecemento xusto.