Electricidade. Electrostática e circuitos eléctricos

O coñecemento cada vez maior que temos da neurodiversidade e as NEAE require unha adaptación do sistema educativo para dar resposta ás distintas necesidades do alumnado, garantindo o principio de equidade e igualdade de oportunidades.

A finalidade deste proxecto é proporcionar materiais educativos dixitais interactivos que faciliten a atención e accesibilidade da maior parte posible do alumnado, proporcionando recursos visuais para personas con hipoacusia, auditivos para persoas con baixa visión, actividades adaptadas aos protocolos para a atención de alumnado con TEA, TDAH, dislexia, actividades extra de ampliación para alumnado con altas capacidades, traductor para o alumnado extranxeiro… e material para a atención á diversidade en xeral, proporcionando múltiples formas de representación da información, de expresión, de motivación e compromiso.

Preténdese fomentar a autonomía do alumnado na aprendizaxe, proporcionando pautas guiadas de resolución de problemas para os alumnos que o precisen e retroalimentación para a autoavaliación, de xeito que o alumnado que teña que faltar a algunha clase poda traballar os contidos correspondentes dende a casa de xeito autónomo.

Así mesmo, relaciónanse os contidos cos de outras materias, especialmente as matemáticas, co fin de acadar unha aprendizaxe integradora e proporciónanse exemplos da vida real que axuden a que o alumno entenda a utilidade e aplicación na súa vida do que está a estudar.

Os contidos deste ODE correspondense á parte do Bloque 3: A enerxía, do currículo para a ensinanza da física e química de 3º da ESO en Galicia: Naturaleza eléctrica da materia: electrización dos corpos. Circuitos eléctricos.