As aparencias enganan

Este é o REA (Recurso Educativo Aberto) número 2 -dun total de 4- elaborado no proxecto cREAgal para a materia de Ciencias da Natureza de 6º de Educación Primaria. 

A situación de aprendizaxe permitirá ao alumnado explorar as características e as propiedades dos alimentos e os seus nutrientes para despois aplicalo á práctica a través da análise das merendas que toma o alumnado no recreo, para valorar se forman parte dunha dieta equilibrada o polo contrario son malos para a súa saúde. Permite aplicar os coñecementos previamente traballados sobre os diferentes aparatos do corpo humano que traballan na función de nutrición.

O reto consistirá na análise das merendas que se consumen no centro e, por equipos, crear un produto divulgativo  (cartel, podcast, vídeo curto, tríptico...) onde presentará a información sobre todo os aspectos  positivos e negativos das mesmas, así como alternativas saudables con rigor científico.