ODE 6: Welcome to My Town! (Hello, Email Pals!)

Hello, Email Pals! ofrece actividades comunicativas en lingua inglesa orientadas a 4º de Primaria e baseadas no intercambio de emails, audios e vídeos con dous alumnos dun centro educativo británico. As distintas tarefas propostas requiren a utilización da linguaxe oral e escrita e o uso de recursos e estratexias de comunicación, lingüísticas e non lingüísticas, ao tempo que contribúen ao desenvolvemento de actitudes positivas e receptivas cara á lingua e cultura anglófona.

O ODE 6, titulado Welcome to My Town! persegue que o alumnado describa unha poboación detallando a existencia, ou non, de certos lugares de interese, así como a ubicación da súa vivenda. Ademais, ten como obxectivo tanto que formulen e respondan preguntas sobre a existencia, ou non, de certos lugares nunha poboación, como que describan unha cidade galega.