O cuco: Os ODS da Axenda 2030

O Cuco - ODS (Axenda 2030) é un xogo educativo dixital baseado na dinámica de preguntas e respostas no que os participantes compiten por conseguir quedar sen ovos no seu niño antes que os demais.

A proposta está inspirada no comportamento do cuco común (Cuculus canorus), unha ave coñecida por depositar os seus ovos nos niños doutras especies para que sexan estas quen os incuben e críen.

O xogo combina contidos curriculares de esta temática cunha mecánica lúdica que favorece a motivación, a participación activa e a consolidación das aprendizaxes.

Os cinco bloques temáticos traballados no recurso son:

1. ODS 1: Fin da pobreza
2. ODS 5: Igualdade de xénero
3. ODS 10: Redución das desigualdades
4. ODS 12: Produción e consumo responsable
5. ODS 13: Acción polo clima