Na procura das civilizacións perdidas

Este é o REA (Recurso Educativo Aberto) número 5 -dun total de 8- elaborado no marco do proxecto cREAgal para a materia de Xeografía e Historia de 1º de Educación Secundaria Obrigatoria.

A situación de aprendizaxe desenvolvida céntrase na Antigüidade, en Asia e África, e na civilización exipcia. Tamén aborda contidos relacionados coa arte destas civilizacións, cun enfoque competencial orientado á investigación e á análise da Historia.

No reto proposto o alumnado aprenderá a interpretar unha liña do tempo, a comprender como se estruturaban as sociedades nas primeiras civilizacións da Antigüidade, o papel da muller nestas sociedades e a pegada cultural e artística que tiveron no seu momento.