As aparencias enganan

Este é o REA (Recurso Educativo Aberto) número 2 elaborado no proxecto cREAgal para a área de Ciencias da Natureza de 6º de Educación Primaria.

O presente REA aborda conceptos relacionados coa función de nutrición do corpo humano. Preséntanse os principais aparatos e sistemas implicados nesta función vital así como as súas partes principais. Tamén ten gran relevancia no REA todo o relacionado coa alimentación e a dieta equilibrada, traballando a través da análise dun alimento, os diferentes aspectos que cómpre ter en conta á hora de escoller que debemos comer máis frecuentemente e que debemos evitar.

A situación de aprendizaxe permitirá ao alumnado explorar as características e as propiedades dos alimentos e os seus nutrientes para despois aplicalo á práctica a través da análise das merendas que toma o alumnado do centro educativo para valorar se forman parte dunha dieta equilibrada o polo contrario son malos para a súa saúde.