Un mundo por proteger

Este é o REA (Recurso Educativo Aberto) número 5 elaborado no proxecto cREAgal para a materia de Lingua Castelá e Literatura de 1º de Educación Secundaria Obrigatoria.

O alumnado iníciase no coñecemento lingüístico, textual e literario a través dunha situación de aprendizaxe (SA), na que deberá realizar a construción dun posto de exposición, onde se mostre que se coñece e se valora a contorna. Con este proxecto estimularase a imaxinación e elaboraranse distintos tipos de textos descritivos, tanto en función do punto de vista, como en función do asunto. Seguindo as fases do método de proxectos,  aprenderase a valorar a fiabilidade das fontes de información, buscarase unha solución creativa, executaranse os seus deseños e avaliaranse os resultados. Nesta SA adquírense coñecementos, destrezas e habilidades necesarias para elaborar un texto descritivo.