Nos seguintes apartados, vas enfrentarte a problemas e retos que debes solucionar mediante programación. Pode parecer algo difícil ou incluso imposible de entender ao principio, pero vas a comprobar que non é necesario sabelo todo para comezar!

Aquí, a intelixencia artificial (IA) será a túa aliada: axudarache a resolver dúbidas, explicará os programas e mesmo che permitirá crear código aínda que nunca programaras antes.

Que vas facer?

Durante esta unidade, enfrontaraste a retos de programación que poden parecer complicados, pero tranquilidade, porque a IA estará contigo en todo momento.

Con ela poderás:

Pedir explicacións de códigos que non entendas.

Xerar código para solucionar problemas e comprobar como funciona.

Mellorar programas  con suxestións e correccións da IA.

O máis importante

Non tes que ter medo ao código nin preocuparte por entender todo á primeira. O segredo está en aprender a preguntar, analizar as respostas e pedir melloras. A programación é un proceso de experimentación, e a IA é unha ferramenta máis para axudarte.

O obxectivo final? Que descubras que podes facer máis do que pensabas e que a tecnoloxía está aquí para facilitarche o camiño.