Que é?
Un caderno de programación (ou notebook) é un espazo onde podes escribir código e executalo por partes, sen necesidade de compilar todo á vez. Está formado por celas, que poden conter código ou texto explicativo. Isto fai que sexa ideal para aprender, probar código e experimentar de forma visual e estruturada.
Vantaxes dos cadernos de programación
- Interactivo: Podes executar partes do código sen correr todo o programa.
- Organizado: Combina texto, código e resultados na mesma pantalla.
- Visual: Ideal para traballar con datos, gráficos e imaxes.
- Compartible: Podes gardar e compartir o teu traballo facilmente.
Exemplos de cadernos de programación
No momento da realización deste ODE hai 3 alternativas amplamente usadas Jupyter Notebook, DeepNote e GoogleColab.
Comparativa
| Característica | Jupyter Notebook | Deepnote | Google Colab |
|---|---|---|---|
| Instalación | Local (precisa instalación) | Na nube (sen instalación) | Na nube (sen instalación) |
| Uso offline | Si | ❌ Non | ❌ Non |
| Colaboración | ❌ Non | Si | Si |
| Execución | Código en Python | Código en Python, SQL, JavaScript... | Código en Python |
| Acceso a GPUs/TPUs | ❌ Non | ❌ Non | Si |
| Almacenamento persistente | Si | Si | ❌ Limitado |
| Compartición de cadernos | Manual | Mediante enlaces | Mediante Google Drive |
| Orientado a | Ciencia de datos, IA, investigación | Traballo colaborativo e profesional | Estudantes, IA, ML |
Aínda que Jupyter foi pioneiro e está cambiando e adaptándose cada día, DeepNote é o máis amplamente usado por profesionais. Para unha estudante que comeza no mundo da programación e intelixencia artificial, Google Colab é a mellor opción. Permite experimentar e aprender sen barreiras tecnolóxicas, garantindo unha experiencia cómoda, sinxela e con gran potencia de procesamento!
É unha plataforma de código aberto que permite crear e compartir documentos con código, ecuacións e visualizacións.
Funciona principalmente de forma local, o que significa que cada usuario debe xestionar o seu propio entorno de execución.
É ideal para principiantes e uso académico, pero pode ser limitado en contornas profesionais onde se require colaboración avanzada.
A xestión de versións e a compartición de cadernos adoita facerse manualmente.
É unha plataforma baseada na nube, deseñada para traballo colaborativo en ciencia de datos e IA.
Permite compartir cadernos facilmente mediante enlaces, sen necesidade de configuración adicional.
Ofrece integracións avanzadas con bases de datos, SQL e ferramentas de visualización.
Inclúe funcionalidades como completado de código con IA, xestión automática de versións e programación de tarefas.
Plataforma gratuíta de Google para executar código en Python na nube.
Ofrece acceso a GPUs e TPUs, ideais para tarefas de aprendizaxe automática.
Permite escribir código en cadernos de programación con texto, imaxes e ecuacións.
Ideal para estudantes e afeccionados á IA, pero con limitacións en almacenamento e uso de recursos.
Procesadores especializados en redes neuronais profundas