Responde ás seguintes cuestións

Cuestión 1. Se unha persoa está moi deshidratada, como pode afectar iso á súa análise de urina?

A urina será máis escura e concentrada debido á menor cantidade de auga. 

A súa densidade será máis alta e poden aparecer substancias como a creatinina en maior concentración.

Cuestión 2. Se un médico sospeita que unha persoa pode ter diabetes, que compoñente analizaría na urina e por que?

Analizaría a glicosa. Se hai glicosa na urina (glicosuria), pode indicar diabetes, xa que os riles non deberían excretar azucre en condicións normais.

Cuestión 3. Que fariamos se unha análise de urina amosa a presenza de bacterias? Que probas adicionais podería solicitar o doutor/doutora?

O persoal médico podería solicitar unha proba (urocultivo) para identificar o tipo de bacteria e determinar o antibiótico máis adecuado.

Cuestión 4. Como podería cambiar a urina dunha persoa que fai moito exercicio físico todos os días?

A urina pode conter máis proteínas (proteinuria) debido ao esforzo físico. Se non se hidrata ben, tamén pode ser máis escura e concentrada.

 Cuestión 5. Un paciente recibe os seus resultados e ve que a súa urina ten niveis moi baixos de sodio. 

Podería indicar problemas renais, deshidratación severa ou trastornos hormonais como insuficiencia suprarrenal. 

Cuestión 6. Que hábitos saudables axudarían a manter unha boa saúde urinaria e evitar problemas detectables na análise de urina?

Beber suficiente auga, manter unha dieta equilibrada, evitar o exceso de sal e proteínas, ouriñar con frecuencia, manter unha boa hixiene e evitar o consumo excesivo de alcol e cafeína.

Cuestión 7. Por que é importante recoller a mostra de urina pola mañá en moitas análises?

Porque a primeira micción do día está máis concentrada e reflicte mellor os niveis de substancias como proteínas, glicosa ou hormonas.

Cuestión 8. Se unha persoa segue unha dieta moi alta en carne e proteínas, como pode cambiar a súa análise de urina?

Pode aumentar a urea e o ácido úrico, e a urina pode facerse máis ácida.

Cuestión 9. Como pode influír o ciclo menstrual nos resultados dunha análise de urina en mulleres?

Pode contaminar a mostra con glóbulos vermellos e leucocitos, dando falsos positivos en infeccións ou problemas renais. Recoméndase evitar facer a análise durante a menstruación.