Inmunidade inespecífica
A inmunidade inespecífica
O noso corpo ten diferentes formas de defenderse contra os microorganismos que poden causar enfermidades. A primeira liña de defensa son as barreiras primarias, como a pel e as mucosas, que impiden a entrada dos patóxenos. Pero, que pasa cando estes logran atravesar esas barreiras? Aquí entra en acción a barreira secundaria, que forma parte do noso sistema inmunitario innato.
Apoio visual
As barreiras primarias ou naturais
O noso corpo ten defensas naturais para evitar que entren os microbios. Estas defensas chámanse barreiras primarias e poden ser de tres tipos:
Barreiras físicas
A pel e as mucosas protexen o corpo como un escudo. A pel é dura e impide que os microbios entren. As mucosas, que están no nariz, na boca e noutros órganos, producen moco, que atrapa os microbios e axuda a expulsalos.
Barreiras químicas
O corpo produce substancias que eliminan os microbios. Por exemplo, o zume gástrico do estómago é moi ácido e mata os xermes. A saliva, a suor e as bágoas tamén teñen enzimas que destrúen os microbios.
Barreiras biolóxicas
No noso corpo viven moitos microorganismos beneficiosos (a nosa microbiota) que nos protexen. Ocupan espazo e usan os nutrientes, competindo cos patóxenos e evitando que os microbios perigosos se multipliquen.
Audio
As barreiras secundarias
Se un xermolo (axente patóxeno) consegue entrar no noso corpo, actúa a barreira secundaria. Esta barreira ten varios mecanismos para defendernos.
Resposta inflamatoria
Se un microorganismo entra por unha ferida ou outra vía, o noso corpo reacciona cunha inflamación. A inflamación produce:
- A zona arrúbiase : aumenta o sangue na zona afectada para levar máis defensas.
- Inchazón e dor: as células defensivas chegan máis rápido ao lugar da infección.
- Ataque de glóbulos brancos: estas células atacan e destrúen os microorganismos.
Fagocitose
Os glóbulos brancos (ou leucocitos) son células que protexen o noso corpo.
Os macrófagos son un tipo especial de glóbulos brancos. Encárganse de capturar e destruír os microorganismos nun proceso chamado fagocitose. Estes atacan capturan e dixiren internamente os patóxenos.
Outros glóbulos brancos, como os neutrófilos, axudan a defendernos rápidamente.
Febre como defensa
Ás veces, cando temos unha infección, a temperatura do noso corpo sobe e aparece febre. A febre axuda porque:
- Fai que moitos microorganismos crezan máis amodo.
- Mellora o traballo das células defensivas.
- Axuda a reparar os tecidos danados.
As barreiras secundarias do sistema inmunitario protexen o noso corpo cando os microorganismos entran. A inflamación, a fagocitose e a febre son tres formas de defensa moi importantes. Grazas a elas, evitamos enfermidades graves.
Lectura facilitada
Se un xermolo (axente patóxeno) consegue entrar no noso corpo, actúa a barreira secundaria. Esta barreira ten varios mecanismos para defendernos.
Resposta inflamatoria
Se un microorganismo entra por unha ferida ou outra vía, o noso corpo reacciona cunha inflamación. A inflamación produce:
A zona arrúbiase : aumenta o sangue na zona afectada para levar máis defensas.
Inchazón e dor: as células defensivas chegan máis rápido ao lugar da infección.
Ataque de glóbulos brancos: estas células atacan e destrúen os microorganismos.
Fagocitose
Os glóbulos brancos (ou leucocitos) son células que protexen o noso corpo.
Os macrófagos son un tipo especial de glóbulos brancos. Encárganse de capturar e destruír os microorganismos nun proceso chamado fagocitose. Estes atacan capturan e dixiren internamente os patóxenos.
Outros glóbulos brancos, como os neutrófilos, axudan a defendernos rápidamente.
Febre como defensa
Ás veces, cando temos unha infección, a temperatura do noso corpo sobe e aparece febre. A febre axuda porque:
Fai que moitos microorganismos crezan máis amodo.
Mellora o traballo das células defensivas.
Axuda a reparar os tecidos danados.
As barreiras secundarias do sistema inmunitario protexen o noso corpo cando os microorganismos entran. A inflamación, a fagocitose e a febre son tres formas de defensa moi importantes. Grazas a elas, evitamos enfermidades graves.
