Exercicio 1.  Coloca os seguintes pasos na orde correcta segundo a resposta inmunitaria:

a) A febre aumenta a temperatura corporal.
b) Os macrófagos e os neutrófilos fagocitan os patóxenos.
c) O fluxo sanguíneo aumenta na zona afectada, causando inflamación.
d) Os leucocitos chegan á zona da infección.

Exercicio 2. Indica se as afirmacións son correctas. Se son falsas, corríxeas.

As mucosas pertencen ás barreiras secundarias.
A febre facilita a multiplicación dos microorganismos.
A inflamación axuda a atraer células inmunitarias á zona afectada.
Os neutrófilos e os macrófagos destrúen patóxenos a través da fagocitose.

Exercicio 3. Asocia cada tipo de barreira co seu exemplo correspondente:

barreira física / barreira química / barreira biolóxica / fagocitose /  febre

• Ácido do estómago
• Pel
• Microbiota intestinal
• Macrófagos
• Aumento da temperatura

Exercicio 4. A continuación, preséntanse varias afirmacións sobre os antíxenos e os anticorpos. Indica a que termo corresponde cada unha. 

____ Substancia allea ao organismo que pode desencadear unha resposta inmunitaria.
____ Proteína defensiva producida polos linfocitos B en resposta a unha infección.
____ Pode atoparse na superficie de virus, bacterias ou toxinas.
____ Encárgase de recoñecer e unirse especificamente a un patóxeno para neutralizalo.
____ Activa os glóbulos brancos para que respondan á infección.
____ Pode circular no sangue ou adherirse ás membranas mucosas para protexer o organismo.