Estación de traballo de INMUNOLOXÍA 1. 

Os obxectivos didácticos desta estación de traballo son: 

• Manexar e comprender vocabulario científico relacionado co sistema inmunitario: inmunosupresores, anticorpo, linfocitos, etc. 
• Identificar os tecidos, órganos e glándulas do sistema inmunitario (timo, bazo, ganglios, apéndice, etc). 
• Comprender e explicar as barreiras primarias e secundarias da inmunidade innata ou inespecífica.  
• Comprender e explicar a resposta humoral ou específica a través dos linfocitos B. 
• Comprender e explicar a resposta celular da inmunidade adquirida ou específica a través dos linfocitos T. 
• Definir e diferenciar as principais enfermidades do sistema inmunitario (alerxia, enfermidades autoinmunes e inmunodeficiencia).

Os obxectivos didácticos de carácter transversal que se traballarán nesta estación de traballo son: 

• Analizar información en diferentes formatos (táboas, gráficas, textos), seleccionar, comprender e extraer conclusións.
• Citar e usar de forma correcta as fontes de información.
• Valorar a contribución da ciencia á sociedade e o labor de persoas dedicadas a ela con independencia da súa etnia, sexo ou cultura, destacando e recoñecendo o papel das mulleres científicas.