De seguro que en máis dunha ocasión, e xusto cando máis o precisábades, chegou ese momento tan agardado e... plof! Quedámonos en branco. A inspiración é algo moi persoal, e non existe unha técnica universal ou truco máxico que nos poida servir en tódalas circunstancias. Á maioría de nós bastaríalle con pechar os ollos e imaxinar, se nos atopamos nun estado de relaxación que nos permita soñar. Facede a proba mentres escoitades este fondo de ambientación sonora tan zen! Que é o que imaxináchedes?

Teño que confesar que o título deste apartado non é casualidade. O certo é que dende as orixes máis remotas da historia, o ser humano buscou constantemente a inspiración. Os primeiros pensadores, coñecidos como filósofos, intentaron establecer as bases do funcionamento do noso pensamento para poder manexalo e aproveitalo ao máximo. A frase "escribo, logo canto", é un pequeno homenaxe a unha das citas filosóficas máis afamadas, "penso, logo existo" (en latín "cogito, ergo sum") do pensador René Descartes (SXVI-XVII). Esta afirmación ven a dicir que o primeiro que poñemos en movemento é o noso pensamento, como unha verdade universal que fainos sentir vivos/as. No noso caso non é tan profundo, non vos preocupedes! Pero o que sí está claro é que para cantar unha letra... primeiro teremos que escribila, verdade? Imos a ver como facelo!