Lazos xenealóxicos
Como acontece coas persoas, os intrumentos musicais se poden agrupar en diferentes familias en función das características que teñan en común. Xeralmente para establecer a súa clasificación témonos que deter a pensar en como se produce o son, é dicir, cal é o sistema que emprega cada instrumento para soar. Como sabedes, non todos os intrumentos se tocan do mesmo xeito, xa que uns precisan de aire, outros temos que beliscar as súas cordas ou incluso hai algúns que temos que golpealos (iso si, sempre con moito cariño). Seguindo esta única regra, obtemos unha clasificación de familias de instrumentos moi sinxela:
Non vos preocupedes, ao longo desta primeira parte da unidade investigaremos cada unha das familias paseniño a paseniño, e deterémonos en coñecer a tódolos seus membros!
Non deberemos mesturar as familias de intrumentos co tipo de material, forma ou tamaño dos mesmos! A única pista inconfundíbel, como xa miramos no apartado anterior, é a maneira que ten cada un de producir o son. Un pequeno truco para entender como funciona un instrumento se temos dúbidas, é imaxinar a unha persoa tocándoo para comprender cales son as accións que realiza para que o instrumento finalmente se escoite.
Por outra banda, as características relacionadas co material de que está feito (madeira, metal, plástico...), xunto coa súa forma e tamaño condionan o seu timbre, unha das calidades da música que ten que ver coa súa propia sonoridade. O certo é que cada instrumento presenta un son particular é inconfundíbel, do mesmo xeito que nós podemos recoñecer a voz das nosas persoas achegadas sen necesidade de telas diante. Polo tanto, o timbre é propio de cada instrumento, ten que ver coas súas características de construción e non coa familia á que pertence. De feito é frecuente que dentro dunha mesma familia aparezan instrumentos completamente diferentes neste senso, pero como di o refraneiro popular... dentro da variedade está o gusto, non?
Seguimos!