Agora que xa coñecemos os tipos de instrumentos e as súas familias, centrarémonos na parte vocal da nosa composición. Como comentaramos no apartado "Ollo o dato", o timbre é a calidade do son que nos permite identificar os diferentes instrumentos, pero por suposto tamén acontece isto cas voces. Cada persoa ten unha voz única, que facilita o seu recoñecemento ata cos ollos pechados! 

Pois ben, como acontecía no mundo dos instrumentos musicais, as voces tamén se clasifican en diferentes grupos para facilitar un orden lóxico e poder escoller a que máis nos gusta sen necesidade de escoitalas todas! O elemento que teremos en conta para facelo é o seu rexistro, que é a capacidade vocal que ten unha persoa para emitir todas as notas da escala musical dende a máis grave ata a máis aguda. Evidentemente isto está moi relacionado co xénero, a idade ou mesmo a propia fisionomía de cada un/unha. 

Por diversos motivos, en ocasións os produtores e as produtoras recurren a voces máis graves e profundas, ou ben escollen un estilo propio para voces máis agudas e potentes. A elección da voz axeitada cambia por completo o significado dunha canción. En ocasións precísase recurrir a unha agrupacion de voces, que recibe o nome de coro.

No seguinte vídeo poderedes descubir máis sobre este tema e coñecer como é a clasificación das voces. Non perdades ollo!

Todo listo, verdade? Deseguido realizaremos unha actividade de encher os espazos en branco empregando a información que acabades de ver. Se tedes dúbidas podedes visualizar o vídeo tantas veces como precisedes, e lembrade escribir sen faltas de ortografía para correxir as preguntas. Imos aló!