Este exercicio de relaxación é un bo comezo.

Colocamos os brazos caídos moi relaxados, pernas separadas e facemos un movemento moi lento do corpo cara os lados. 

Exercicio de relaxación no que faremos círculos suaves cara un lado e despois cara o outro coa cabeza.

Sacudimos as mans e imos subindo ata que o facemos con todo o brazo.

Sacudimos brazos, pernas e cabeza para relaxar todo o corpo; deixámonos caer cara adiante con todo o corpo frouxo.

Unha vez feitos os exercicios, imos falar da respiración, unha das partes máis importantes para cantar.

A respiración que temos que empregar é a respiración diafragmática, centrada no diafragma.

Non podemos empregar os ombreiros cando collemos o aire. Temos que recollelo no diafragma: este ten que incharse para saber que o facemos correctamente.

Para practicar este tipo de respiración, o primeiro que faremos é un exercicio tombados no chan.

Pechamos os ollos, poñemos unha man no diafragma, e respiramos polo nariz, notando como se incha a barriga; soltamos o aire moi amodo pola boca, contando ata 5.

Repetirémolo tantas veces como necesitemos para controlalo.

Sentámonos nunha cadeira, coas costas rectas, e imitamos a unha serpe (shhhhh), collendo o aire polo nariz, notando como se incha a barriga, e soltando o aire moi amodo facendo o son. 

Agora, seguimos con exercicios de respiración, collendo o aire polo nariz e soltando amodo pola boca, pero con movemento: 

- recollendo frores: levantamos ambos brazos como se recolleramos un cesto de frores á vez que repiramos. 

- movendo a cabeza: a cabeza vai de lado a lado mentres respiramos. 

- movendo os brazos: xuntamos as mans diante do corpo e ímolas abrindo cara a fóra mentres respiramos.

Todos este exercicios teñen que axudarnos a comprender que a voz é impulsada cara arriba pola columna de aire, como unha pluma levada polo vento.