Os/as xogadores/as teñen o deber de coñecer e repectar o regulamento de xogo.
A Indiaca xógase ao mellor de 3 sets, polo que cando un/ha xogador/a ou equipo gañe dous sets, rematará o partido.
Gañarase un SET cando:
-
Nos primeiro e segundo sets, cando un/ha xogador/a ou equipo acade 25 puntos, sempre cunha diferenza de 2.
-
No terceiro set, cando un/ha xogador/a ou equipo acade 15 puntos, sempre cunha diferenza de 2.
-
Por razóns de tempo ou dependendo do torneo, este sistema de puntuación pode modificarse, tendo que comunicarllo previamente ao/á xogador/a ou equipos antes de comezar o partido.
O comezo do partido será do seguinte xeito:
-
O/a xogador/a ou un/ha representante por parella ou equipo deciden, por sorteo e en presenza de quen arbitre, que equipo escolle primeiro entre estas dúas opcións:
-
-
Opción 1: Sacar ou recibir no primeiro set, ou
-
Opción 2: escoller o lado da cancha.
-
-
O outro equipo ou xogador/a queda coa opción restante.
-
Se hai que xogar o terceito set, volve a facerse este sorteo.
O cambio automático entre lados na cancha sucede:
-
Nos primeiro e segundo sets, cando un/ha xogador/a ou equipo chegue a 12 puntos.
-
No terceiro set, cando un/ha xogador/a ou equipo chegue a 8 puntos.
-
Ao remate do primeiro set, NON se cambian de lado. Comeza sacando o/a xogador/a ou equipo que non sacou no primeiro set.