A Indiaca é un xogo recreativo, de cancha dividida por unha rede e con moitas variantes.
-
Modalidade individual, 1x1.
-
Modalidade dobres e mixta, 2x2.
-
Modalidade de equipos, dende 3x3 ata 5x5.
Para xogar empregamos unha indiaca que está composta por unha base de gomaescuma na que están incrustadas catro plumas.
O obxectivo do xogo é gañar puntos. Para iso, a indiaca, despois de pasar por riba da rede, ten que tocar o chan do campo contrario.
O campo de xogo é similar á cancha de bádminton na modalidade de 1x1, pero coa rede máis alta.
Nas modalidades de dobres, mixta e de equipo, o campo é similar ao de voleibol.
A Indiaca é unha actividade aeróbica, polo que melloraremos as nosas cualidades físicas de resistencia, velocidade, forza e flexibilidade.
As habilidades que desenvolveremos na Indiaca son sacar, recibir, golpear, bloquear e rematar.