BOTARLLE MILLO AOS PAXAROS

Significado: Facer algo que carece de proveito ou utilidade. 

Exemplo: Non intentes convencela, non razoes con ela, está tan fóra de si que non te escoita, é coma botarlle millo aos paxaros. 

TER MILLO NO HÓRREO

Significado: Ter aprovisionamento de algo, ter os recursos para afrontar unha adversidade. 

Exemplo: Xa sei que se achega unha época de crise económica, pero eu teño o millo no hórreo porque fun aforrando. 

MALLAR EN CENTEO VERDE

Significado: Resultar inútil.

Exemplo: Falar contigo é coma mallar en centeo verde, nunca prestas atención aos consellos que che dou. 

NON ESTAR O CENTEO PARA GAITAS

Significado: Non ser a situación favorable para algo.

Exemplos: Comprar un coche tan caro nestes momentos foi un erro, non está o centeo para gaitas. 

                   Mellor fala con el noutro momento agora mesmo non está o centeo para gaitas, acaban de darlle unha mala nova.