CHOVERLLE A ALGUÉN 

Significado: Dise de alguén que non está no seu san xuízo, que di ou fai cousas incoherentes e sen sentido

Exemplo: A ti chóveche, como te atreves a insultar ao profesor?

COMA QUEN OE CHOVER

Significado: Non darlle importancia a algo, que algo che pareza indiferente ou decidas non prestarlle atención.

Exemplo: Comentáronme que estabas moi triste, pero eu coma quen oe chover. Despois do que me fixeches, dáme igual. 

ARRIMARSE AO SOL QUE MÁIS QUENTA  

Significado: Buscar a conveniencia dun mesmo, sempre achegándonos a quen cremos que nos vai reportar máis proveito persoal. 

Exemplo: Vaia virachaquetas, sempre se arrima ao sol que máis quenta con tal de saírse coa súa. 

PASARLLE O SOL POLA PORTA

Significado: Deixar pasar unha oportunidade sen aproveitala

Exemplo: Agora non te lamentes de non ter acudido a esa cita de traballo, xa che pasou o sol pola porta.