Imos ver estes debuxos do noso amigo Argen.

                              

Son iguais? son diferentes? O que podemos comprobar é que son a mesma imaxe pero con cores diferentes, con TONALIDADES diferentes, pero seguen a ser o noso amigo Argen. Cada unha das imaxes poden darnos impresións diferentes. Por exemplo, a última pode parecernos unha foto antiga polos tons grises, pero segue a ser Argen. 

Pois en música ocorre o mesmo: temos diferentes tonalidades pero todas seguen o mesmo patrón (mesma disposición de tons e semitóns na escala); cada unha delas ten o seu carácter e o escoitalas provócannos diferentes sensacións. 

Agora que xa comprendemos un pouquiño mellor que son as tonalidades, podemos definilas:

a tonalidade é a relación dos graos dunha escala coa súa tónica.

Así, esta escala, , comeza na nota Do, polo que a tonalidade será Do. 

Agora imos explicar o concepto de modalidade, que é a que nos indica o modo, Maior ou menor, das tonalidades.

Fíxádevos nas escalas seguintes, nos seus tons e semitóns: 
      
      

  

A primeira é a escala de Do Maior e a segunda a escala de La menor. Como podedes ver, segundo o modo, teñen os semitóns en lugares diferentes.  Iso é o que marca a modalidade.

Polo tanto, podemos definila como: 

a modalidade é a dispoción dos tons e semitóns dentro dunha escala