A duración e o código musical
Neste apartado imos a tratar un tema moi importante na música: a duración do son. Pois ben, o certo é que do mesmo xeito que as persoas empregamos un código de palabras para poder entendernos cando falamos (na linguaxe oral ou escrita), na música fai xa moito tempo que se creou a linguaxe musical.
A linguaxe musical é a única lingua universal que existe no mundo, e polo tanto emprégase o mesmo código sen importar o lugar do planeta no que nos atopemos, xa sexa en Galicia ou na China. A pesar de ser unha linguaxe moi elaborada, ímonos a centrar soamente nos elementos que teñen por función traducir a duración do son en símbolos musicais, para que despois poidan ser interpretados.
Para comezar centrarémonos no "código morse musical" unha técnica alternativa que nos permite coñecer a duración dos sons empregando unha serie de liñas horizontais. A lonxitude destas liñas variará en función da duración do son, polo que canto máis longo sexa un son máis longa será a liña que o representa.
Descríbese na seguinte imaxe:
Para debuxar liñas deberemos partir sempre da marxe esquerda, e avanzar sen levantar a man mentres dure o son. Botádelle un ollo ao seguinte vídeo de exemplo e xa veredes que é pan comido!