Ludwing van Beethoven (1770 - 1827) foi un afamado compositor alemán de música clásica. A peza que imos a interpretar a continuación corresponde a parte final coral da súa 9ª Sinfonía (a última que escribiu completa), sen dúbida unha obra mestra da historia da música que se converteu en todo un himno a liberdade incluso séculos máis tarde ata o día de hoxe. 

No seguinte audio podedes escoitar un fragmento da obra sen necesidade de descargala, ou se o preferides podedes visualizar a súa representación en directo nun Flashmob levado a cabo en Nüremberg (Alemania) no ano 2014, onde é evidente o poder que ten a música para transmitir sentimentos.

Se queredes saber máis sobre a vida deste compositor, recoméndovos que non vos perdades o seguinte vídeo complementario:

Para interpretar a peza empregaremos un instrumento de altura determinada (xilófono, metalófono, piano ou similar), pero primeiro marcaremos cada unha das notas que imos a empregar seguindo o código de cores. Podemos usar pegatinas de cores, pequenos papeis pintados ou calqueira material adhesivo.

Como soamente precisamos 5 notas musicais (DO-RE-MI-FA-SOL), empregaremos as seguintes cores:

• DO: Vermello
• RE: Laranxa
• MI: Amarelo
• FA: Verde
• SOL: Azul

De maneira que o resultado debería achegarse a seguinte imaxe:

Se non temos un instrumento a man non hai problema! Podemos facelo de xeito virtual empregando o recurso web que se atopa no apartado de MÚSICA E TECNOLOXÍA!