Artistas do século XVIII: Rosalba Carriera
Algunhas artistas do século XVIII...
Somos conscientes de que estudar e valorar a todas as artistas deste século é moi complicado, así que, a modo de exemplo, imos a estudar algunhas das máis relevantes da época como Rosalba Carriera, Angelica Kauffman e Elisabeth Louise Vigée-Lebrun.
Rosalba Carriera
Rosalba foi unha pintora italiana vinculada ao estilo rococó que destacou polos seus retratos a pastel e polas minuaturas que adoitaba facer de personaxes ilustres da época.
Naceu en Venecia o ano 1675 e morre en 1757. O seu pai funcionario e a súa nai encajera tiveron 3 fillas, Rosa Alba, Angela e Giovanna. As 3 recibían clases de música, francés e latín. Rosalba, cuxo avó fora pintor, empezou facendo debuxos para os encaixes da súa nai. Logo aprendeu a miniatura en marfil, aínda que inventaría ela técnicas novas. Comezou a pintar miniaturas para as tapas das caixiñas de rapei, e foi a primeira pintora que usou marfil con este propósito. Comezou a súa carreira artística pintando estas caixiñas con graciosas figuras femininas que máis tarde fixeron a súa fortuna traspuestas á miniatura sobre marfil.
En 1705 foi elixida para a Accademia de San Luca de Roma. O mesmo fixeron as academias de Bolonia e Florencia e o gran duque de Toscana pediulle un autorretrato para sumalo á súa numerosa colección de autorretratos de pintoras. En 1720 é admitida na Academia de Bolonia e ao ano seguinte realiza a súa primeira viaxe ao estranxeiro, a París, onde os seus retratos tiveron gran demanda. Mentres estaba en París, como convidada do gran afeccionado e coleccionista de arte, Pierre Crozat, pintou ao pintor Watteau, toda a nobreza e a realeza, desde o rei e o rexente cara abaixo, e foi elixida membro da Academia Francesa por aclamación.
Regresou ese mesmo ano a Italia onde pintou varias obras para familias nobres de Venecia e de Parma. No ano 1730 está na Corte de Viena, onde foi recibida con moito entusiasmo por gobernantes e cortesáns, alí retrata a varios membros da familia real.
Na súa vida posterior, fixo unha longa viaxe á corte do rei de Polonia, onde tivo como alumna á Raíña. O rei reuniu unha ampla colección das súas obras que máis tarde formaron a base da gran colección na galería Altemeister de Dresde.
Os seus últimos anos foron tráxicos, pois enfermou da vista, probablemente danada pola súa pintura en miniatura de mocidade, até o punto de quedar completamente cega. Sufriu dúas operacións de cataratas pero non serviron de nada. Sobreviviu a toda a súa familia, pasando os seus últimos anos na pequena casa na área de Dorso-Duro de Venecia onde pasara toda a súa vida.
Sobre Rosalba Carriera consultar os seguintes enlaces:
Rosalba Carriera, https://es.wikipedia.org/wiki/Rosalba_Carriera
Rosalba Carriera, https://www.ecured.cu/Rosalba_Carriera
Licenciado baixo a Licenza Creative Commons Recoñecemento Non-comercial Compartir igual 4.0