Sensor de temperatura

Descrición

[LM35 Nevit Dilmen CC BY-SA Wikimedia Commons]

[termistores tecnoloxia.org CC By-SA]

Para poder medir a temperatura e realizar algunha acción en función dos seus valores necesitamos un sensor capaz de medila.

Unha opción sinxela é utilizar un termistor, que non é máis ca unha resistencia que varía coa temperatura. Procederíase igual que no caso da LDR. Por exemplo, podemos utilizar a información que lemos na consola sobre o valor da resistencia do termistor en función da temperatura para acender un ventilador cando a temperatura ambiental supere un determinado valor.

O problema de utilizar termistores é a calibración e a precisión, que non é moi boa, pois a resistencia dos termistores non varía de forma lineal coa temperatura.

Se desexamos ter precisión, unha opción interesante é utilizar o sensor de temperatura LM35. Trátase dun circuíto integrado que proporciona unha saída de voltaxe proporcional á temperatura (10mV por cada grao centígrado) cunha precisión de 0,5ºC a temperatura ambiente. É o que imos utilizar nesta práctica.

Montaxe

Debemos conectar os pins dos extremos á alimentación e o pin central a unha entrada analóxica, tal e como aparece no seguinte esquema.

[tecnoloxia.org CC By-SA from Fritzing]

[tecnoloxia.org CC By-SA]

Programa

A lectura do sensor conectado a unha entrada analóxica vai desde 0 ata 1024. Isto correspóndese a uns valores de voltaxe de entre 0 e 5000 mV. Para calcular a voltaxe do sensor podemos utilizar a fórmula:

milivoltios= valor*5000/1023

Outra opción é utilizar a función map: milivoltios = map(valor,0,1023,0,5000);

Cada 10 mV correspóndese a 1ºC de temperatura, polo que para calcular a temperatura en graos centígrados facemos a conversión: temperatura (ºC) = milivoltios/10


/* sensor de temperatura LM35 */

int sensorPin= A0;  // O sensor está conectado no pin analóxico A0
int valor;          // Lectura realizada na entrada A0
float mV;           // milivoltios. Variable tipo float porque é decimal.
float T;            // Temperatura en ºC, tamén decimal.
 
void setup(){
  Serial.begin(9600);   // Iniciamos a comunicación serie
  while(!Serial);       // Agarda ata que conecte
}
 
void loop(){
  
  valor = analogRead(sensorPin);    // asignamos a lectura á variable "valor" (entre 0 e 1024)
  mV = (valor / 1023.0) * 5000;     // Calculamos a voltaxe
  T = mV / 10;                      // Calculamos a temperatura en ºC
  Serial.print(mV);                 // Imprimimos na consola
  Serial.print(" mV"); 
  Serial.print(" -- "); 
  Serial.print(T);                  
  Serial.println(" C");
  delay(1000);
  
}

/* sensor de temperatura LM35 */

int sensorPin= A0; // O sensor está conectado no pin analóxico A0

int valor; // Lectura realizada na entrada A0

float mV; // milivoltios. Variable tipo float porque é decimal.

float T; // Temperatura en ºC, tamén decimal.

void setup(){

Serial.begin(9600); // Iniciamos a comunicación serie

while(!Serial); // Agarda ata que conecte

}

void loop(){

valor = analogRead(sensorPin); // asignamos a lectura á variable "valor" (entre 0 e 1024)

mV = (valor / 1023.0) * 5000; // Calculamos a voltaxe

T = mV / 10; // Calculamos a temperatura en ºC

Serial.print(mV); // Imprimimos na consola

Serial.print(" mV");

Serial.print(" -- ");

Serial.print(T);

Serial.println(" C");

delay(1000);

}

Propostas

Ventilador. Cada vez que a temperatura supere un determinado valor debe acenderse un ventilador. Podes utilizar un pequeno ventilador dun ordenador vello.
Convertedor de unidades. Fai que na consola serie se mostre unha táboa coa temperatura en ºC, ºK, e ºF.
Termómetro de leds. Conecta 6 LEDs coas súas resistencias (2 verde, 2 amarelos e 2 vermellos) e fai que a medida que aumente a temperatura se vaian acendendo máis leds, desde os verdes ata os vermellos. Engade un zumbador que soe se a temperatura alcanza un máximo determinado.