Introdución: Sinais dixitais

Nun sinal dixital a información está codificada en dous únicos estados: 1 e 0. A cada un deles asígnaselle unha voltaxe ou rango de voltaxes determinado.

Por exemplo, un pulsador ten dous estados: en repouso é un 0 ou nivel baixo (LOW), e cando prememos envía un 1 (nivel alto ou HIGH) ao pin no que está conectado. Un LED tamén ten dous estados: apagado será un o (LOW) e aceso 1 (HIGH).

Eses ceros e uns representan unha voltaxe determinada: 0 ou LOW normalmente será 0V, e 1 ou HIGH un valor de voltaxe que enviamos ao pin arduino no que está conectado, por exemplo 5V.

 
[tecnoloxia.org CC By-SA]

Pins E/S dixitais no arduino:

• Pins 0 -> 13 : Pins dixitais de entrada e saída
• Pin 0 (Rx): Recepción serie de datos
• Pin 1 (Tx): Transmisión serie de datos
• Pins ~ (3, 5, 6, 9, 10, 11): Pódense usar como saídas de sinal PWM (verémolo máis adiante)
• GND: Conexión a terra ou 0V

Guía de programación:

Definir variables:

int (número enteiro)

Por exemplo, definimos o nome “ledVerde” para  un LED e indicamos que está conectado ao pin 9:

Arduino int ledVerde = 9; 1 2 3   int ledVerde = 9;

Configuración:

pinMode(pin,modo)

Debemos indicar se os pins que imos utilizar son de saída ou de entrada.

Arduino void setup() { pinMode(ledVerde, OUTPUT); } 1 2 3 4 5   void setup() {     pinMode(ledVerde, OUTPUT); }

Arduino void setup() { pinMode(pulsador, INPUT); } 1 2 3 4 5   void setup() {     pinMode(pulsador, INPUT); }

Por defecto os pins están configurados como entradas, polo que non faría falta indicar as entradas dixitais na configuración, só as saídas.

Funcións dixitais:

digitalWrite(pin,estado)

Permite enviar un sinal dixital ao pin de saída indicado:

• HIGH ou 1: envía 5V ao pin de saída
• LOW ou 0: envía 0V ao pin de saída

Arduino digitalWrite (9,HIGH); digitalWrite (9,1); 1 2 3 4   digitalWrite (9,HIGH); digitalWrite (9,1);

Arduino digitalWrite (13,LOW); digitalWrite (13,0); 1 2 3 4   digitalWrite (13,LOW); digitalWrite (13,0);

 

digitalRead(pin)

Permite ler 0 ou 1 nun pin dixital de entrada.

Arduino int estado = digitalRead (2); // Define a variable “estado” coa lectura do valor do pin 2 1 2 3   int estado = digitalRead (2);   // Define a variable “estado” coa lectura do valor do pin 2   Arduino digitalWrite(led,digitalRead(pulsador)); // Transmitimos ao LED o valor do pulsador 1 2 3   digitalWrite(led,digitalRead(pulsador));   // Transmitimos ao LED o valor do pulsador   Arduino digitalWrite(led,estado); // O mesmo, pero coa variable "valor" 1 2 3   digitalWrite(led,estado);     // O mesmo, pero coa variable "valor"