Obxectivos

Obxectivos inherentes ao desenvolvemento dun proxecto, con independencia do tema de estudo:

• Ensinarlle ao alumnado a buscar, seleccionar e organizar información sobre un tema concreto.
• Motivar ao alumnado a formularse interrogantes acerca do mundo que lle rodea.
• Escribir un breve texto expositivo sobre o tema de estudo.
• Iniciarse nos pasos para realizar unha busca de información en Internet.
• Diferenciar a función dos textos expositivos da función dos textos literarios, así como apropiarse doutras propiedades relevantes dos textos expositivos.
• Recoñecer o proceso de observación como paso previo ao proceso de creación.

Obxectivos específicos ao tema deste proxecto, os lobos:

• Comparar a morfoloxía do lobo coa humana.
• Desmitificar a idea de lobo como animal maligno.
• Evolucionar no proceso de adquisición do sistema de escritura.