Proxecto "LOBOS"
"Proxecto Lobos" é un REA que pretende desglosar os pasos, para o alumnado e profesorado, cando nos enfrentamos á difícil tarefa de ensinar a aprender a escribir un texto expositivo.
Despois de ter realizado unha secuencia didáctica sobre texto literario narrativo acerca de “Contos de lobos” formulouse a necesidade de contrarrestar as ideas erróneas do alumnado acerca deste animal. A pesar de que moi poucos autores recomendan realizar proxectos co alumnado de 3 anos consideramos que a evolución dos grupos permitía un primeiro achegamento á metodoloxía da aprendizaxe por proxectos.
Esta proposta desenvolveuse no CEIP Pío XII (Santiago de Compostela) en tres grupos que escolarizaban 25 nenas e nenos de 3 anos. Igualar as fontes de información permite abordar un mesmo tema en tres aulas distintas respectando a premisa de que en cada grupo os intereses do alumnado sexan diferentes.
Este proxecto organizouse atendendo ás seguintes fases;
- Elección do tema
- Que queremos saber?
- Busca de fontes de información
- Organización do traballo: primeira distribución do tempo, organizar o espazo e os recursos e establecer pautas de colaboración coas familias e o entorno.
- Organización e realización das actividades
- Debuxos finais
As imaxes ilustran algunha das actividades desenvolvidas na aula.
Licenciado baixo a Licenza Creative Commons Recoñecemento Compartir igual 4.0