Saltar navegación

Ilustración e edición

ACTIVIDADE: Transformación, mediante a técnica do collage, da fotografía elixida incorporando os personaxes debuxados.

  1. Despois de escribir o conto, ditando á persoa docente, cada neno e nena debuxou os personaxes secundarios que introduciu na súa historia.
  2. O personaxe principal xa estaba realizado.
  3. O produto final son eses personaxes, adaptando o tamaño, integrados na imaxe. Os debuxos non se colorean para que destaquen sobre a fotografía de cor.

Proceso da realización dos debuxos

Produto final

ACTIVIDADE DE EDICIÓN: Elaboración do tríptico, produto final, que recolle a fotografía orixinal, o conto e o collage.

  1. Editamos un tríptico, que o alumnado levou para casa, onde se recolle o traballo realizado.
  2. Para maquetalo e embelecelo, as nenas e nenos, tiveron que decorar os puntos de unión das tres cartolinas que empregamos. Usamos rotuladores de acetato para poder trazar sobre o celo.
  3. Na portada figuraba o debuxo orixinal do monstro realizado por cada neno e nena.
  4. Na contraportada recollimos as ilustracións realizadas polos 25 nenos e nenas da aula.
  5. Ao abrir a portada aparece a fotografía orixinal e unha breve descrición do proceso realizado dirixido ás familias.
  6. Na seguinte apertura figura o conto orixinal individual e a ilustración.
  7. Unha copia de todos os contos e ilustracións quedou recollida nun libro de aula.

Elaboración do tríptico

Edición final