Un xeito de coñecer as características dos polígonos regulares é programando aplicacións que os debuxen. Con esta proposta aprendemos xeometría programando.
Debuxar unha figura en cada programa
Por exemplo, sabemos que para obter un hexágono necesitamos debuxar 6 lados iguais separados un ángulo de 60ºentre si. Con Scratch démoslle ao polbo as instrucións precisas para que debuxase un hexágono.
[Scratch: Xeometría: Hexágono]
Código:
Melloras:
- Podemos cambiar a cor do lapis cada vez que vai debuxar un dos lados, para que quede unha figura de cores.
- Tamén podemos cambiarlle o disfrace ao polbo a medida que vai debuxando para que haxa unha mellor sensación de movemento
Proposta:
- Facer programas que debuxen outros polígonos regulares: cadrado, pentágono, octógono, etc.
Debuxar varias figuras no mesmo programa
Podemos utilizar un mesmo programa para debuxar os polígonos regulares que queiramos. Para iso imos preguntar cantos lados queremos.Unha variable “lados” recolle a resposta, calcúlase o ángulo (360º/nºde lados) e o polbo debuxará o polígono regular desexado.
[Scratch: Xeometría: Polígonos regulares]
Código
Depurando:
- Se introducimos un número elevado de lados, o debuxo non cabe na pantalla e defórmase, polo que non podemos obter todas as figuras que queiramos. Como podemos facer para que o debuxo sempre caiba na pantalla?
(Pista: Podemos crear unha variable “pasos” que será menor a medida que aumente o número de lados. Tamén podemos xogar coa posición de inicio do debuxo.)
Melloras:
- Ao final, no canto de dicir “Xa está!” podería dicir o nome do polígono que debuxou.
Proposta: Debuxar polígonos regulares estrelados
Deseña un programa que constrúa polígonos regulares estrelados. Busca información sobre como se constrúen e fai que o polbo sexa quen de debuxalos.
Pista: Para unha estrela cun número impar de picos o ángulo é = 180 + (360/picos) / 2
Posible solución:
Intenta facer ti o programa antes de veres o código desta solución, pois seguramente atoparás unha mellor forma de facelo.
[Scratch: Xeometría: Polígonos regulares estrelados]
Máis figuras xeométricas
Non só imos debuxar polígonos. Como debuxarías un círculo en Scratch? E unha espiral?
Ánimo, que seguro que che sae!